Maingay sa buong paligid dahil sa magkahalong boses ng mga taong nagsisigawan saka nag-uusap at malakas na tugtuging pumapailanlang sa buong lugar. Patay-sindi ang iba’t-ibang kulay at pagkikislapan ng mga ilaw na tila sinasabayan nang indak ang tugtugin. Mausok dahil sa ang ilan sa mga tao ay naninigarilyo sa loob mismo at walang tigil sa pagsasayaw ng iba pa sa dance floor na tila hindi napapagod at kahit na ang hindi marunong sumayaw ay pilit pa ring sinasabayan ang nakakaindak na awitin dahil sa nararamdamang matinding kaligayahan.
Nakaupo naman sa mataas na upuan si Warren na nasa harap ng bar counter. Mag-isa lamang siya at kaagad rin niyang pinapaalis ang nagtatangkang lumapit sa kanya na mga babae. Wala siya sa mood para lumandi sa iba.
“Isa pa ngang beer,” paghingi ni Warren sa
