Nakaupo sa ibabaw ng kama si Warren at nakasandal ng mabuti ang likod niya sa headboard. Nakatingin lang siya sa pintuan at naghihintay nang papasok dito sa loob ng kwarto.
Gusto niya kasing dumumi at nais niyang gawin iyon sa banyo at hindi sa arinola na nasa ilalim ng kama. Nakakadena ang kanyang mga paa kaya miski ang humakbang sa sahig at maglakad papunta sa pintuan para sana sumilip doon at magtawag ng pwede niyang kausapin ay hindi niya magawa dahil maikli ang kadena.
Huminga nang malalim si Warren. Madiin na kumuyom pabilog ang mga kamao niya. Pakiramdam niya ay wala na siyang silbi at kwenta ngayong nandito siya sa loob ng apat na sulok ng silid na ito. Wala siyang magawa para iligtas ang kanyang sarili.
Pamaya-maya ay muli siyang napabuntong-hininga ng malalim. Inilagay sa magk
