ANG LAKAS ng kabog ng dibdib ni Syrene. Ilang pulgada na lang, puwede nang maghinang ang mga labi nila ni Clint. Ngunit kahit hindi pa man nangyayari iyon, para nang gumagapang ang bolta-boltaheng kuryente sa buong katawan ng dalaga.
Dati-rati ay poster lamang nito ang puwedeng niyang halik-halikan. Ggayon, igalaw niya lang ng kaunti ang ulo niya, mahahalikan na niya ang totoong Clint Carter.
“Alam mo ba kung ano pa ang puwedeng gawin ng isang babae at isang lalaki na na-trap sa maliit na kuweba maliban sa magtitigan?” bulong ng lalaki.
Sunod-sunod ang pagkurap ni Syrene. Nanunuyo ang lalamunan niya.
“S-Sabi mo hindi mo ako pagkaka-interesan, hindi ba?” halos hindi makahingang sabi niya.
May maliit na ngiting sumilay sa gilid ng labi ng lalaki. “Ang sabi ko, hindi ko pagkaka-inter
