“PUWEDE ba tayong magkita bukas?” malambing ang boses na tanong ni Syrene kay Clint na nasa kabilang linya ng telepono.
“Hindi ba sa Sabado pa tayo ulit magkikita?”
Lumabi siya kahit hindi naman nito nakikita ang itsura niya. “Hindi ba puwedeng miss na kita agad? Gusto kitang makita.”
In fact, birthday niya bukas. Gusto niya itong makasama kahit ilang oras man lang sa kaarawan niya. Halos isang buwan na silang pasekretong nagkikita ni Clint at sa loob ng mga araw na iyon ay hindi masusukat ang kasiyahan niya.
Bagama’t wala silang klaro na label, hindi na niya iniisip iyon. Dahil ang makasama lang ito ay sapat na para sa kanya.
“Hmm… I’ll check with Kurt. Medyo hectic ang schedule ko these days.”
“Sige na, please? May sorpresa ako para sa ‘yo.”
“Ano ‘yon?”
“Surprise nga, ‘di ba? Ka
