HINDI PA man nakakarating si Syrene sa may pintuan ay nahabol na siya ni Clint at niyakap ng mahigpit mula sa likuran.
“Don’t go yet. Please,” bulong nito habang nakasubsob ang mukha sa kanyang ulo.
“Clint,” may himig ng pakiusap sa boses ng dalaga. Pumikit siya habang hawak ang mga kamay nitong nakapulupot sa kanyang katawan.
Ramdam niya pag-iinit ng sulok ng kanyang mga mata habang dinadagsa ng sari’t saring emosyon ang kanyang pagkatao.
Alam niyang kailangan niya itong iwasan. Pero paano? Paano kung palagi na lamang siyang dinadala ng tadhana sa bisig nito at hindi niya makontrol ang kanyang katawan na mag-respond sa init na hatid ng binata?
“I won’t force anything on you, Syrene. But please, let me hug you like this for a few more minutes. I missed you so much. It’s driving me
