MADALI lamang ang naging training ni Syrene sa Elite Cleaners. Tinuruan sila sa iba’t ibang pamamaraan ng paglilinis, kung paano magtanggal ng mantsa sa sofa or carpet, kung paano mag-alis ng water stains, kung ano ang mga produktong dapat gamitin, at kung paano mag-operate ng iba’t ibang klase ng cleaning machines kagaya ng vacuum cleaner.
Para sa first day of work niya, binigyan siya ng tatlong kliyente, ngunit may makakasama siyang isa pang cleaner para obserbahan ang kanyang trabaho. Isang linggo siya nitong sasamahan hangga’t sa kaya na niyang mag-isa, maliban na lamang sa mga kliyenteng kailangan ng maraming cleaners.
Naging maayos naman ang paglinis nila sa dalawang condo units sa Makati na pawang pagma-may-ari ng mga expatriate na pinili nang dito mag-retire sa Pilipinas. Natuw
