Mataas na ang sikat ng araw nang magising ako kinabukasan. Agad akong napakislot at mabilis na napabangon nang maramdaman ang kakaibang sakit na nagmumula sa aking noo. Mabilis na nag flashback sa aking isipan ang nangyari sa akin kahapon.
"O Sammy gising ka na pala," si Ate na mabilis na lumapit sa akin, "Masakit pa ba ang sugat mo?"
Binigyan ko siya ng isang marahang tango.
"A-Ano pong ginawa nila sa sugat ko?" tanong kong bahagyang sinalat ang aking noo, may benda ng nakabalot dito.
"Tumawag ng doctor ang Mommy mo kahapon," simula nito, "Naku kung nakita mo lang kung paano sila mag-alala, mako-konsensiya ka sa ginawa mo."
"H-Hindi ko naman po sinasadya Ate." nguso ko sabay yuko.
"Oo alam kong aksidente ang nangyari sa'yo Sammy, kaya lang bakit hindi ka nag-iingat?"
"Kasalanan '
