Kinabukasan ay maaga akong pumasok sa paaralan. Si Daddy ang naghatid sa akin sa school. Kapansin-pansin ang labis na stress sa galaw ng kanyang mukha. Hindi siya nag-usisa kung ano ang nangyari sa akin sa bakasyon ko sa farm. Hindi rin siya nagtanong ng kahit ano sa akin, na lagi niya noong ginagawa. Habang nasa biyahe ap panay ang sulyap ko sa kanya, hindi niya rin iyon napansin. Nais ko sanang tanungin siya kung bakit absent pa rin si Mang Dante, bagay na hindi ko na tinangka pa.
"Drive carefully Daddy!" kaway ko sa kanya pagkababa ng sasakyan.
Tumango lang siya at pilit na ngumiti bago pinaharurot paalis ang sasakyan.
"I love you..." bulong ko sa hangin.
Nang mawala na ang sasakyan namin sa paningin ay pumasok na ako sa loob ng school. Hindi mawala-wala sa aking isipan ang gagawin
