Naging mahirap para sa akin i-kwento kay Ate ang mga nangyari. Ngunit sa pagitan ng aking mga hikbi ay nasabi ko sa kanya ang lahat ng nangyari sa school. Mula sa simula ng tsismis hanggang sa binigyan na nila ito ng pangalan. Sinabi ko rin ang nangyari ngayong araw, na naging dahilan upang mahulog siya sa malalim na pag-iisip.
"Two weeks na at hindi mo iyon sinasabi sa amin Samantha?" may himig ng paninisi sa kanyang tinig, "Bakit ngayon mo lang sinabi?"
"Sinubukan kong ayusin Ate at saka i-deadma nalang ngunit hindi ko nakayang gawin."
"Huwag kang maniniwala sa kanila." marahang pisil niya sa aking palad, "Hindi ka ampon Samantha 'yon ang palagi mong tatandaan. Totoo ka nilang anak at wala silang alam doon."
Medyo gumaan ang aking pakiramdam sa mga sinabi niya. Kaya lang ay hindi ko
