Agad akong natigilan sa pagsunod sa kanya nang makita kong umakyat siya ng hagdan. Hagdang paakyat sa rooftop ng aming paaralan.
"Halika na." harap niya sa akin nang mapansin akong natigilan sa paghakbang.
"A--"
"Halika na bago pa tayo mahuli ng guard." wika niyang lumakad palapit sa akin.
"H-Huwag na tayong umakyat diyan," alumpihit kong sambit, "Baka..baka maparusahan tayo niyan." pagdadahilan ko.
"Hindi 'yan," ngisi niyang hinablot ang aking isang kamay. "Hindi tayo magpapahuli." wika niyang hinila na ako.
Mabilis akong nagpabigat sa aking kinatatayuan, pilit kong idinikit sa semento ang aking suot na sapatos upang huwag niyang tuluyang makaladkad.
"A-Anong ginagawa mo?" lingon niya sa akin nang hindi ako sumunod sa nais niya, "Halika na." pag-aaya niyang muli.
"Ayoko." sa
