Hindi ako makagalaw. Pagkatapos akong pwersahin ni Lauro na makapasok sa bahay ay sinalubong kami ng isang babae na may syringe na hawak at mabilis iyong itinusok sa akin. Unti-unting naparalisa ang katawan ko. Gising ako, gising ang diwa ko. Ngunit hindi ako makagalaw. Parang nawalan nang lakas ang katawan ko. Hindi ko alam kung nasaan na si Honie. Ipinasok ako sa isang silid ng tauhan ni Lauro.
Kahit gusto kong sumigaw parang nawalan ako nang lakas. Hindi ko talaga maigalaw ang katawan ko. Pero naririnig ko ang usapan ng mga ito.
Tatanggalin nila ang sanggol sa sinapupunan ko. Tatlong buwan pa lang ang t'yan ko. Natatakot ako sa posibleng mangyari rito lalo't pinagbabalakan ito nang masama ng mga demonyong ito.
Ang mga oras na lumipas ay parang impyerno sa tulad. Kahit humiyaw, kah
