Hinahatak ako sa mas malalim na parte ng lungkot. Sinusubukan ko namang isalba ang sarili ko. Pero may mga oras na mas madalas hinahayaan kong lamunin ako nito.
"Magpaliwanag kayong dalawa ni Honie." Ani ni Trish. Sinadya ng dalawa na magkaroon kami ng solo na oras pagkatapos ng event. Free na naman ang lahat sa grupo namin kaya naman buo na naman kami sa event. Katatapos lang at kami na lang tatlo sa grupo ang naiwan.
"Ano namang ipaliliwanag ko?" nakangiting tanong ko rito. Kunwari'y cool na cool lang. Pero sa loob ay durog na durog.
"'Di ba buntis ka? Anong nangyari?" tanong nito sa akin na hinawakan pa ang balikat ko. Ngumiti ako rito saka nag-iwas nang tingin.
"Huwag mo nang alamin, Trish. Masyadong komplikado."
"Bakit mo ipinalaglag?" frustrated na ani nito. Hindi ko ibinuka
