"Ang dami pa niyang pangarap para sa sarili niya at sa anak niya."
Sa kabila ng pagdadalamhati at kumikirot na puso ay pinilit ni Samara ang ngumiti sa sinabi ni Madam Fritz na tumayong pangalawang Ina kay Jomari. "Madalas nga niyang mabanggit sa atin. Hindi ba't nag-iipon pa nga siya ng pampasyal sana nilang dalawa sa Hong Kong? Pinangarap niyang madala si Princess sa Disneyland."
Kasalukuyan silang magkatabi habang nakatingin sa nakahimlay na katawan ni Jomari sa loob ng kabaong. Para sa kaniya ay napakaganda pa rin nitong tignan kahit na make-up na lamang ang nagbigay buhay sa mukha nito.
"Napakabait ni Jomari, Samara. Noong unang dating niya rito alam mo ba, sing-tigas ng bakal ang katawan niya pero nag-pursigi siyang matuto. Sinikap niyang matuto dahil sinabi niyang hindi niya ha
