Matapos ang araw na bumisita siya bilang customer nito ay muling bumalik kinabukasan si Samara dahil na rin sa imbitasyon ni Jimmy. Bago pumasok ay humugot muna ng malalim si Samara.
"Dapat ngayong araw din ay magtagumpay ako." bulong niya sa sarili bago pumasok sa loob.
Dahil pa-inosente ang ganap ni Samara ay hindi siya nag-abalang mag-ayos masiyado. Isang simpleng off-shoulder na kulay royal blue at washed jeans ang suot niya na tinernuhan niya ng black flat sandals. Sa kaniyang tainga ay makikita ang hindi kalakihang bangle earring.
Muli siyang sinalubong ng waiter kahapon ng may malanding ngiti sa labi. "Good afternoon, Ma'am. Please follow me."
Isang nangingiming ngiti ang sinukli niya bago ito sinundan. Sa pagtataka niya ay lumagpas sila sa mga mesa hanggang sa pinigilan niya
