Kasalukuyan akong nasagot ng assignment nang makarinig ako ng katok mula sa pinto. Napadako ang mga mata ko ro’n saka hinintay ang pagbukas ng pinto at ang taong bubungad sa akin. Akala ko si Mama pero si Sammie pala. Paniguradong may kailangan siya kaya nagpunta rito.
“Ate,” aniya at lumapit na sa ‘kin. Hindi na ako nag-abalang umalis sa pwesto ko.
Napakunot na lang ang noo ko sa folder na inilapag niya sa table. “Ano ‘yan?” tanong ko at kinuha na ‘yon.
“Pa-critic. Nand’yan na ‘yong gawa ko at rubrics para sa pag-critic mo. Sabi kasi ng teacher namin ay ipa-critic sa iba, eh.”
“Bakit hindi na lang sa mga kaibigan mo?” naitanong ko naman.
Napairap siya. “E ‘di hindi ko na sana pina-critic sa’yo.”
“Okay, bigay ko na lang sa’yo mamaya kapag natapos ko na,” saad ko at tumango na l
