Kinabukasan, hiyang-hiya si Vein nang pumasok sa classroom. Inaasar na kasi siya ng mga kaklase namin dahil nakarating na sa kanila ‘yong nangyari. Lahat yata ng estudyante alam na rin ang pag-amin niya lalo na ‘yong pagsagot ni Owen sa kanya. Ang bilis talaga kumalat ng balita. Gayunpaman, parang gusto pa nga ni Vein ‘yong nangyayari dahil ‘yong paraan ng pag-asar nila sa kanya ay hindi naman nakakaapekto sa kanya. Dahil pa nga sa nangyari, madami siyang nakukuhang atensyon lalo na ang mga lalaki.
Nakatungo lang siya, ngunit maya-maya ay pumapatol din sa pang-aasar sa kanya. Binabawi ko na ang sinabi ko na nahihiya siya dahil sigurado na akong ginusto niya ‘to.
“Si Vein na-reject! Lakas talaga ng tama ni Owen,” at tumawa pa.
“Grabe, sa ganda ni Vein na-reject pa? Kahiya, uy!” tawang-
