Chapter 12
BUONG magdamag akong dilat at sumasakit na ang ulo sa puyat. Paulit-ulit na nagri-replay sa utak ko ang sinabi at itsura ni Johann.
“Liligawan kita..” Bigla na lang akong napapapikit at parang gusto kong magwala. Naiinis ako na nahihiya, Para kasing mali. Pero tapos na,nangyari na ngayon pa ba ako magsisisi? Kahit masakit ang ulo ko ay pinilit ko pa ring bumangon. Para kasing may bago. I tried to act normal kahit na nangangalu-mata ako. Nagluto ako, naghain pagkatapos ay naglinis nang kaunti. Nae-excite ako ng 'di ko malaman. Nababaliw na ko sa nararamdam ko o baka bangag lang ako sa puyat.
Sabay-sabay kaming nagsimba nina Lola, Alee at Adrian. Pagkatapos ay dumaan sa bayan. Gusto kasing mamasyal at mamimili nina Alee at Adrian. Hindi naman ako mapakali kakatingin sa cellpho
