DIVINE
“ITATANONG ko lang sa pulis kung may lead na sila sa paghahanap kay Insoy. Diyan ka lang at huwag kang lalabas!” bilin ko kay Alexander nang makababa sa kaniyang sasakyan.
Tanging tango lang ito kaya agad akong nagpatiunang pumasok sa loob ng pulis station. Lumapit ako kay SPO2 Ramill na siya ang may hawak ng kaso paukol sa kapatid ko. Umupo ako sa harap niya at malamyos na nagsalita.
“May update na ba sa kapatid ko?” tanong ko.
Tumingin siya sa akin na para bang alam ko na agad ang sasabihin niya, wala pa!
“Actually, wala pa po, Mrs. Monteverde. Iniimbestigahan pa po namin ang CCTV kung saan nahagip ang pagdukot sa kapatid mo. Huwag ho kayong mag-alala dahil pulis kami at ginagawa po namin ang trabaho na aming sinimulan,” saad niya sabay bumaling sa logbook na nasa harap niy
