DIVINE
MALUNGKOT akong nakatanaw sa kalangitan habang pinagmamasdan ang makikinang na mga bituin. Napakagandang tanawin ito para sa akin. Muling nanumbalik ang masasayang alaala namin ni nanay nang siya ay nabubuhay pa. Bakit ang aga niyang kunin sa amin? Isang mabigat na buntong-hininga ang pinakawalan ko bago ibinaba ang tingin sa lupa.
“How was your day?”
Nag-angat ako ng aking mukha nang marinig ang boses ni Carl sa aking likuran. Lumunok muna ako ng laway bago tumayo at masayang hinarap siya.
“Maayos naman ako. Huwag kang mag-alala,” sagot ko rito.
Ngumiti siya sa akin at nagulat pa ako dahil bigla niya akong niyakap. Damang-dama ko ang mga yakap niya sa aking katawan. Gusto kong paulit-ulit niya iyong gawin dahil na-miss ko iyon. Ilang taon kaming hindi nagkita at alam kong bu
