HINDI NA naisipan pang umuwi ni Georgina sa kaniyang bahay nang buong araw hanggang sa sumapit ang gabi. Nakatanggap siyang muli ng mensahe mula kay Quidd bandang alas dos ng hapon. Nakasaad doon ang oras ng pagsisimula ng event maging ang oras kung kailan siya nito susunduin ngayong gabi. Itinawag na lamang niya agad sa kaniyang designer ang tungkol sa nais niyang suotin na damit. Dahil matagal na niyang kilala ang designer, batid na nito ang kabuoang sukat ng kaniyang katawan, maging ang kaniyang panlasa sa pananamit—kung kaya naman agad nitong ipinadala ang isang itim na evening gown sa kaniya. Laking tuwa na lamang niya at talagang kilalang-kilala na ng kaniyang designer ang kakaiba niyang panlasa sa pananamit kung kaya't lubis niyang nagustuhan ang ipinadala nito.
“George, dinner is
