BAGO TULUYANG lumabas ng hospital si Georgina, ay sinigurado niya munang may magbabantay sa kaniyang kaibigan na si Airish. Kumuha siya ng isang tauhan upang magbantay sa labas ng silid nito habang ito ay natutulog. Bukas na lamang siya babalik sa hospital dahil kinakailangan niyang umuwi ngayon upang makapagpahinga.
Habang nagmamaneho ay hindi niya maiwasang isipin ang mga sinabi ni Airish. Hindi niya rin matiyak sa kaniyang sarili kung bakit iisang tao lamang ang kaniyang naiisip sa tuwing may masamang nagyayari sa mga taong nakapaligid sa kaniya. Dahil sa paulit-ulit na pagrehistro ng mga salitang binanggit ni Airish, upang ilarawan ang taong nanakit dito, ay tila masisiraan siya ng ulo. Kahit anong pilit niyang gawin na alisin sa isip ang ginawang paglalarawan ni Airish, iisang tao l
