CHAPTER 16
Matulin na lumipas ang ilan pang mga araw. Pilit na ibinalik ni Arianna sa dati at normal ang kanyang buhay. Kontra man ang kanyang ama sa muli niyang pagbalik agad sa trabaho ay ipinasya pa rin ni Arianna na pumasok na sa kanyang boutique.
Kung tutuusin ay tama ang kanyang ama. Hindi niya kailangang pumasok agad sa trabaho. Naroon naman si Nessa at ang iba niya pang empleyado para asikasuhin ang kanyang boutique.
But she chose to go back to her work. Sa ganoong paraan ay malilibang niya ang kanyang sarili at makakalimutan panandali ang lahat ng mga nangyari, including that one night with Ronniel, na hanggang ngayon ay gumugulo pa rin sa isipan niya.
Pagkapasok ni Arianna sa boutique na kanyang pag-aari ay agad nangumusta sa kanya sina Nessa at ang iba niya pang empleyado. N
