When is he going to propose, I wonder?
Nasasabik na nang husto si Patricia na marinig ang marriage proposal sa kaniya ni Kahl-el. Alam niyang parating na iyon. Nararamdaman niya iyon. Inamin na rin naman nito sa kaniya na pinag-iisipan na nito ang pagpapakasal nila. Kahit ayaw niyang hintayin iyon dahil mawawala ang pagkasorpresa niya roon ay hindi niya maiwasang ma-imagine kung anong klaseng proposal kaya ang gagawin nito. Malamang ay simple lamang iyon sapagkat hindi mahilig sa kung anong drama si Kahl-el. Iyon ang gusto niya rito. Walang masyadong palabok ito sa pagsasalita. Ayaw nito ng mind games. Walang kuskos-balungos kapag is-i-net nito ang isip sa gagawin. Wala namang kaso iyon sa kaniya dahil isa iyon sa katangian ni Kahl-el na nagustuhan niya rito.
Sa palagay niya ay ganoon d
