مُغَيّرَتي

الفصل الثامن " ضحية " ?

أيقتلك الغياب؟أنا يقتلني الحضور الباهت الذي يشبه العدم

_______________________________________

ملك مفهمتش مراد يقصد اي وقبل م تسأله كان راح ف النوم

خافت تتحرك ويصحي ف نامت هي كمان مكانها ومراد ف حضنها زي الطفل

عداا اللييل وطلع النهار ومراد فتح عينه بتعب وحس بدفا حواليه بص حواليه وشاف ملك حضناه ونايمه

مراد فضل باصصلها ومبتسم كإنه بيحفظ ملامحها

لحد م اتحركت

مراد : صباح الخير

ملك بإبتسامه : صباح النور .. نمت كويس

مراد غمزلها : وهو في احسن من كده

ملك اتحرجت وقامت

ملك : طب انا هروح احضر الفطار عما تجهز

قام مراد ولبس ونزل شاف ملك بتحضر الفطار

مراد : اساعدك ؟

ملك : لا انا خلصت كل يلا بسرعه عشان متتأخرش

مراد قعد ياكل ف **ت وملك متوتره وبتبصله كتير

مراد : في حاجه عايزه تقوليها

ملك : اااهه....لاا

مراد : اه ولا لا .. قولي

ملك : هو يعنيي...كنت عاوزه اسألك ع .....بب...بب...باا..بااا

مراد ببرود : ماله

ملك : اخباره اي او هو فين

مراد : معرفش عنه حاجه م اخر مره شوفته معاكي بس لو عايزه اعرفلك هعرفلك

ملك : لا لااا خلاص ربنا معاه و يسامحه

مراد بصلها بإستغراب ازاي قادره تسأل ع واحد هانها وذلها وباعها بالشكل ده ازااي بعد كل ده لسا بتفكر فيه وبتقول بابا

هي ازاي قادره تسامح .. طب انا ليه مقدرتش ومش قادر ..دنيتنا واحده ي ملك شوفنا نفس الظلم بس الفرق ان انا مش طيب زيك انا الدنيا دي خلتني اسوء انسان ممكن تقابليه

قاطع افكاره صوت ملك

ملك : مرااد انت معايا ؟؟

مراد بصلها : ايوهه كنتي بتقولي اي

ملك : بقول ان انا نفسي اخرج معاك اووي لوحدنا

مراد : مااشي اخلص بس الحوارات اللي ف الشركه وهفضاا ع طول ونخرج سواا

ملك سقفت بفرحه : ربنا يخليك ليا

وقف مراد وباس راسها وخرج

ملك بحنق : بيبوس راسي .!! امه اناا ?

وصل مراد الشركه وخلص كل الاجراءات وسحب الفلوس

سليم : الحمد الله المبلغ اللي فاض ممكن يكفينا فتره لحد م نرجع تاني

مراد : طب تمام انا كده خلصت كل حاجه

سليم : طب وبعدين

مراد : احنا هندفع الفلوس ونكن فتره لحد م نلم نفسنا من تاني

سليم : اللي تشوفه .. المهم نعدي من الناس دي

مراد : تفتكر مين ورا الحركه دي

سليم : انت شاكك ان ده ملعوب

مراد : اكييد اومال المركب هتغرق كده لله

سليم : بصراحه الاعداء كتير اولهم مجدي الهواري اللي ض*بناه ف مقتل عملتله كمين وحطينا الهروين ف البضاعه وبلغت عنه بتهمه الاتجار ف الممنوعات واتمسك

ده غير التجار اللي معانا اللي انت بلغت عنهم وهما بيستلموا الشحنه واتمسكو وبعد اللي عملته بقيت رقم واحد ف السوق وعند الBoss عايز ايه تاني

مراد : لا لسا في ناس كتير واقفه ف طريقي

سليم بصدمه : م هما الناس دول بيشتغلو زيهم زينا انت عايز تبقاا ف السوق لوحدك

مراد : عاايز ابقاا انا السووق

سليم : مراد انت تقصد اي .. لا ي مرااد انت كده بتلعب لعب كبير اووي كبيير اووي ي مرااد ولو حد عرف انك ناوي ع غدر هيقتلونا واحناا مش قد الناس الكبار

مراد : متخليش قلبك خفيف كده اجمد

سليم وقف : لااااا... لو انت معندكش اللي تخاف عليه ف انا عندي اختي ..اختي ي مرااد

مراد : طب اقعد بس اقعد .. هو الواحد ميعرفش يهزر معاك ي اخي .. اقعد

سليم قعد وبصله : انا مش مطمن .. وشكل اللي جااي مش خير

المهم انت ناوي ع اي دلوقتي

مراد : هدفع الفلوس اول عشان اسد بؤهم

وبعدين هتأكد ولو اللي ف دماغي صح والهواري كان وراها هيزعل زعل جاامد والمرة دي مش هتقومله قومه

سليم : مراد .. مجدي مش قليل .. انا خايف عليك لتقع

مراد بتوهان : متخافش ..م يقع الا الشاطر

قولي صحيح عملت اي ف موضوع اختك ظبطتلها كل حاجه ولا تحب اساعدك

سليم : لا لا كله تمام وهتبدأ من بكره

مراد خارج : طب كويس سلم عليها

سليم : هتروح فين

مراد : هروح البيت وهنخرج بليل.. عايز حاجه

سليم بخبث : لا ابداا ..سلامتك

مراد : الله يسلمك ي خفيف .. سلام

___________________________

هنروح لاول مره فچر

ف بيت سليم وف اوضة اخته فچر

كانت بتكلم ف الموبايل

فچر : ايوه ي بنتي كله تمام .. اه هبدأ من بكره ادعيلي اجيب مجموع نفسي ادخل كليه حلوه واخويا يتشرف بياا

: ...............

فچر : ان شاء الله يلا بقاا اقفلي وسيبيني انام عشان اقوم فايقه ..تصبحي ع خيير

قفلت فچر الخط وفضلت قاعده تفكر ف مستقبلها لحد م غلبها النوم

ي تري فچر فاهمه ان الحياه سهله كده وي تري اي اللي مستنيها ؟!

________________________________

سليم كان ف الجنينه بيتمشي ولمح سلمي قاعده وسرحانه

راح عندها وقعد جمبها

سليم : انا ليه حاسس انك مخبيه حاجه ف قلبك

سلمي : مش شرط الاحساس دايما يبقاا ع حق

سليم : بس انا احساسي عمره م خاب

سلمي : مسيره يخيب ف مره

سليم قرب منها وبص ف عيونها اللي سحراه من اول م شافها : لو احساسي بكل الدنياا خاب ف انا احساسي بيكي عمره م يخيب ابداا

سلمي : انت تنسي اللي ف دماغك ده ي سليم فاهم .. انت متعرفش حاجه ولا هتعرف ابعد عني ي سليم

قامت سلمي وسابته مصدوم

سليم : تقصد اي بكلامها ده !!

_________________________________

عند مرااد وملك

كانو بيتعشو ف مكان هادي وملك كانت فرحاانه جداا

ملك : قولي ي مراد باباك فين او مامتك انا معرفش حاجه عنك خالص وانت مش بتحكيلي

مراد بطل ياكل وسكت فجأه : اناااا.... ابويا مات من فتره صغيره ووامي براا مصر مش هناا

ملك : اسفه..هو مات ازاي

مراد بلخبطه :: حددد...ثه

ملك : طب هوو.....

مراد بزعيق : في اي ي ملك هو تحقيق خلاص بقاا

يلا قومي عشان نمشي

ملك استغربت هجومه فجأه كده بس قامت معاه وروحو البيت

________________________________

- بتعدي الايام سليم مش عارفه اي اللي بيحصل لسلمي او اي اللي مخبياه

- ملك بتحاول تقرب لمراد وتفهمه بس كل م بتقرب بتلاقي غموض و الاسئله بتزيد جواها

- فجر بدأت مدرستهاا ومنتظمه جداا بس متعرفتش ع حد ولا صاحبت اي حد

وف يوم

... : فجر ي فجر

بصت فجر وراها وشافت بنت معاها ف فصلها اسمها ريهام

فجر : ايوه

ريهام : اي ي بنتي مالك كده مش بتكلمي حد ولا بشوفك ماشيه مع حد

فجر : عادي لسا مصاحبتش حد

ريهام مدت ايدها : طب اي رأيك نبقاا صحااب انا ريهام ؟

فجر سلمت : اه طبعاا ده شرف ليا

ريهام : تعالي بقاا اعرفك ع الشله

مشت فجر مع ريهام

ريهام : اعرفكم ي شباب دي فجر هتنضم ليناا

كانت الشلة عباره عن :

ولدين / خالد ورحيم وبنتين : ريهام وسالي

فجر اتعرفت عليهم وقعدت معاهم وبدأت تصاحبهم

واتفقو يخرجو مع بعض بليل

________________________________

ف بيت مراد

ملك كانت بتحضر اكل ف المطبخ ومبسوطه

مراد قرب منها وحضنهاا

مراد : بتعملي اي

ملك : بعمل مكرونه

مراد : بتعرفي ولا هموت ع ايدك الطاهره دي

ملك بصتله : طبعااا بعرف استني بس

مراد اخد خياره و قعد ع الكرسي

مراد : ملك! .....

ملك : نعم

مراد : مسامحه ابوكي !

ملك لفت واتن*دت بحزن : يمكن اه ويمكن لاا يمكن خاايفه اقا**ه قدام ربناا ومكنش مسمحاه ع قد م كان نفسي اعيش حياة طبيعيه ع قد م نفسي يفوق ويبقاا هو طبيعي خاايفه منه او عليه ..خايفه عليه من حساب ربناا ي مراد

مراد بتوهان : ربنااا !!

ملك بإستغراب : ايوه ربناا مالك

مراد بحزن نسبي : بقالي كتير مسمعتش حد بيتكلم عنه ..

ملك : ربناا مش محتاج حد يتكلم عنه ي مراد ربنا احن وارحم علينا من نفسنا

مراد : هيسامح !؟

ملك قربت منه وحط ايدها ع خده بحب : ربنا غفور رحيم ي مراد

مراد : وانتي !

ملك بإستغراب : انا ايه

مراد : هتسامحي ..

ملك : ع قد الفعل م هو وحش ع قد م هسامح وخصوصاا لو بحب الشخص

مراد : لو في انسان عمره م حب وقابل واحده ومش قادر يبعد عنهاا بس الانسان ده مينفعش يتحب او يحب ووجود اي حد ف حياته خطر

ملك لفتله : انت سألتني السؤال ده قبل كده بس بطريقه مختلفه .. واجابتي هتبقاا نفسها ي مراد لو البنت بتحبه هتواجه الدنيا كلهاا ومش هيهمهاا اي حاجه بس المهم انه هو كمان يحبها ويبقاا معاها ع الدنياا عشان يقدرو يعدو

مراد : افهمي ... الشخص ده ابعد ما يكون عن الناس الشخص ده .....

ملك : كمل

مراد قام : ولا حاجه خلاص انا هخرح ف الجنينه شويه

خرج مراد وملك فضلت واقفه

ملك : ادفع عمري كله واقدر افهمك ي مراد انت غريب انا مش عارفه ومش فاهمه ياارب ساعدني

_____________________________________

اجاا الليل وفجر لبست وبتستعد عشان تخرج

سليم : اي القمر ده راحه فين ي حبيبتي

فجر : هخرج مع صحابي شويه

سليم : فجر انتي لحقتي تتعرفي ع حد بالسرعه دي

فجر : ايوه ايوه اكيد

سليم : خلي بالك ي حبيبتي الناس مش زي بعضهاا ومش كل الناس حلوه انتي اكيد فاهمه

فجر : ايوه طبعاا متخافش ي حبيبي

سليم : طيب متتأخريش وكلميني وابقي عرفيني ف يوم ع صحابك يمكن نبقاا صحااب

فجر : حااضر يلا بااي ...

وصلت فجر المكان اللي اتفقو عليه بس اتفاجأت انه شبه ديسكو

دخلت وشافتهم قاعدين

ريهام : تعالي تعالي كنا لسا بنطلب هتشربي اي

بيعملو هناا حاجات توحفه بتاخدي الكاس من هناا بتبقي دماغك ف حته تانيه

تجربي !!

فجر : لا لا انا ماليش ف الحاجات دي

سالي: اي انتي بتخافي ولا اي

خالد بضحك : هتخاف لا مامي او بابي يشموها

ملك : انا مش خاايفه ع فكره انا بس مش متعوده

ريهام : بكره تتعودي ي حبيبتي .. يلا يلا اشربي حد واخد منها حاجه ؟

وفعلا ملك اتأثرت بيهم وشربت معاهم وفضلو يرقصو ويشربوو وملك محستش بالوقت

وسليم فضل يرن عليها وهي مبتردش

ريهام اخدت منها الكاس : كفايه كده اول مره كده وتشربي الكميه دي غلط كفاايه لتروحي مننا وتلبسينا مصيبه يختي

رحيم : فعلا كفايه كده ي جمااعه ويلا نروح بقااا

خالد : يلا ي حنين يلاا

كل واحد روح وملك دخلت بالراحه وهي مش شايفه قدامها وطلعت بسرعه اخدت شاور ونامت قبل سليم م يجيلها

_________________________________

عند ملك

ملك راحت لمراد اللي اتأخر ف الجنينه

ملك : مرااد يلا بقاا عشان ننام

مراد : روحي انا خمسه وطالع

طلعت ملك وفضلت قاعده ع السرير وهو دخل اخد شاور وغير هدومه وقعد جمبهاا وباصص للسقف

ملك : انت كويس

مراد : اه كويس

ملك قربت منه ومراد عايز يحضنها بس مانع نفسه ..خايف ميقدرش يسيطر لو قرب ف بعد شويه وهي استغربت ف قريت كمان

ملك : انت ليه بتبعد عني ..للدرجادي مش طايقني

مراد باصص بعيد : لا ابدااا..بس تعبان شويه

ملك : طب بصلي ..انا مراتك ي مراد

مراد بصلها وحس انه عايز يقرب ويقررب ..عايزها وعايز حضنهاا ..قرب منهاا ومقدرش يسيطر اكتر قرب وباسهاا بحب وهي قربت منه ولفت ايديها حواليه ..مراد نسي العالم ونسي كل حاجه وهو معاها ..بس فاق فجأه وبصلهاا

مراد : انا محتاج انام .. اعزريني

ملك : طبعاا ..ارتاح

حطت دماغها ع المخده وهو نام جمبها وملك فضلت تتقلب ومش جيلها نوم

مراد : ي بت اتهدي مش عارف انام

ملك : يووه

مراد بصلهااا : مالك !!

ملك بحزن : مفيش خلاص نام

مراد ضحك و منغير مقدمات شدهاا عليه ونيمهاا ف حضنه

مراد : كده هتنامي ؟

ملك بصدمه : ايووه

مراد ضحك وباس راسهاا وناموو

ف اخر الليل ملك صحت ع صوت مراد بيحلم بكابوس

مرااد : سيبهااا....لاا...ااا لاااااا ... ابعد عنننهااا....هقتتلك لااااا...

وقام مفزوع وملك بصاله بصدمه

ملك : هتقتل ميين !!

_______________________________

ونكمل بكره

توقعاتكم

شهد_محمد❤

اي حكاية مجدي الهواري !!؟ ومراد كان يقصد مين ب هقتتلللكك !!