و ان سألوك يوما عن سبب تغيري فقل لهم "كانت تثق بي عمرًا ،، و خيبت آمالها بلحظة" ..!
___________________________________
ف المستشفي عند فجر
فجر كانت نايمه كالعاده وباصه للسقف وبتبص للساعه اللي مبتمشيش
شويه وخبط دكتور امجد ودخل
امجد : هاا يا فجر اي الاخبار
فجر بصتله بسعاده : الحمد لله انا حاسه اني احسن كتير عن اول ومتعبتش التعب اللي انا كنت متخيلاه
امجد بعمليه : طبعا لان انتي بتنامي بفعل المنوم فأغلب الوقت او معظمه تقريبا انتي نايمه ومش حاسه بأعراض الانسحاب
فجر هزت راسها بتفهم وسكتت : وطبعاا لولاك مكنتش هعرف اعدي كل ده
امجد : متقوليش كده ده شغلي وانتي طيبه واناا عارف ان ده كان غصب عنك اخوكي حكالي ع كل حاجه
فجر بحزن : اخويااا ...هو فين اخوياا ده زمانه مش طايق يشوف وشي ..ده حتي مزارنيش من يوم ما جابني هناا
امجد : اعذريه برضوا يا فجر اللي حصل مش قليل عليه وصعب يسامحك بسهوله
