مُغَيّرَتي

الفصل التاسع " غموض " ?

لا تعاتب شخصاً قرأتْ البُرود في عينيه..!!

_________________________ ___________

ملك : هتقتل مين !!

مراد بتعب : هااا....لاااا ابدااا انا كنت بحلم بسس

ملك اديته مايه : طب خد اشرب واستعيذ بالله ونام

مراد شرب وسند ع المخده وفضل باصص للسقف وسرحان

ملك : سرحان ف ايه

مراد بصلها : ف القدر الغريب اللي جمعنا واللي خلاكي دلوقتي جمبي

ملك : ودي حاجه حلوه ولا وحشه

مراد : دي احلي حاجه ف الدنياا .. عارفه ي ملك لو حد كان اجا وقالي من سنه واحده اني هتجوز وهتبقاا معايا واحده ع نفس السرير كنت هقول عليه مجنون لان انا مستحيل اعملها

ملك : ولحد دلوقتي انا مش عارفه انت عملتها ليه ...

مراد : هي الناس بتتجوز ليه

ملك : عشان بتحب .. واوعي تقولي انك بتحبني هااا

مراد قرب منها : وانتي متتحبيش !

ملك : اخر واحد اتوقع منه يحبني انت

مراد : طب وانتي

ملك : بإرتباك : ..اااا..اانااا ايه

مراد : بتحبي

ملك بصتله : بحب !! مراد انا عمري م حسيت بالأمان غير معاك ..عمري م حبيت حياتي كده غير لما قابلتك صدقني انت عندي حاجه اكبر بكتير من الحب انت حمايتي وسندي وضهري ..انت ازاي مش حاسس

( قربت منه وسندت راسها ع راسه وعيونهم قصاد بعض وسحبت ايده حطتها مكان قلبهاا ) ازااي مش حاسس بيه كل م بتبقا قريب ..(وحطت ايدها ع قلبه )

الحاجه الوحيده اللي ممكن تحييني من تاني اني ابقاا هناا ولو ف جزء صغير منه

مراد : انتي تستاهلي قلبي كله مش جزء بس ي ملك خليكي واثقه ف كده

ملك بصتله بحب وقرب عليه وباسته وهو محتاجش يفكر كتير عشان يكمل اللي ملك بدأته كان حاسس انه تايه ولقاا مَرسي وللحظه حس انه هيفقد السيطره ع نفسه بعد عنهاا غصب عنه واخدها ف حضنه وناموو

مراد ف نفسه : انتي تستاهلي عمري كله غلطت ي سليم لما قولت اني معنديش حاجه اعيش عشانها

___________________________________

تاني يوم

ف مدرسة فچر

فچر كان عندها صداع جامد وسليم زود الصداع بالتحقيق اللي عمله معاها الصبح واللي قدرت تهرب منه بالعافيه

ريهام : مالك ي بنتي

فچر : عندي صداع رهييب

ريهام : اكيد من الشرب ده عشان اول مره بس

خالد : طب م تديها ي رورو حبايه تضيع الصداع ده ف دقيقه

فچر : ااه والنبي ي ريهام معاكي حاجه للصداع ده

خالد : هه الا معانا ده احنا معناش حاجه الا ليه

سالي : م تهدوو ع البت ي شباب في اي هي تشرب قهوه والدنيا تظبط

رحيم : ايوه انا كمان رأيي كده سيبوها ف حالها

فچر استغربت هجوم رحيم وسلمي بس معلقتش

خالد : م تهدي انت ي حلوو في اي هو احنا هناكلها هي اللي عايزه

فچر : ايوه انا اللي عايزه وبعدين فيها اي يعني هااتي ي ريهام

رحيم : خلاص انتي حره بلبعي اي حاجه تقابلك انا ماشي ..سلام

ريهام ادت حبايه لفچر اخدتهاا من غير اي كلام

وسالي مرقباهم بعصبيه

____________________________

عند سلمي

سلمي كانت قاعده لوحدهاا بتفتكر ف حياتها بحزن

Flash back

سلمي بتعيط وهي ماسكه ف ابوها اللي الظباط قابضين عليه

سلمي : متسبناش ي بابا لاا حرام عليكو سيبوه

ابوها : متخافيش ي سلمي انا هرجعلك ابوكي قوي ومش ضعيف وانتي كمان مش ضعيفه انا هرجعلك متصدقيش اي حاجه بتتقال علياا انا هنتقم ي سلمي هنتقم م اللي كان السبب وانتي كمان لازم تنتقمي

End

سلمي فاقت مسحت دموعهاا وشافت سليم قدامها

سليم : انتي كويسه !

سلمي : ايوه ... كنت عايزه اقولك متزعلش مني ع اخر كلام انا قولته مش عارفه كان مالي

سليم : انا قولت برضوو انك اكيد مكنتيش ف وعيك

سلمي ضحكت : ايوه اكيد

سليم : المهم بقاا اي رأيك نخرج او نروح اي حته

سلمي : معنديش مانع يلاا

____________________________

عند ملك

قولي ي مراد مش ناوي تقولي سر انك مبتخليش اي حد يتطلع ع اي ملف بخصوص شغلك

مراد : مفيش سر ولا حاجه ي ملك هو بس ان انا مبحبش حد يعرف حاجه عن شغلي دي حاجه انا متعود عليها

ملك : امممم.. طيب بقولك اي م تيجي نسهر كلنا كلم سليم ونروح لسلمي ونسهر معاها بقالي كتير مقعدتش معاها

مراد : والله سليم ده م هيصدق اصلا ..يلاا

__________________________________

عند سلمي

الباب خبط وكانت ملك ومراد وسليم

سلمي : اي المفاجأه الحلوه دي تعالو

ملك : جينا نسهر كلنا سواا ونتكلم وجبنا فشار وتسالي كتتير

سليم بهياام : ايوه كتير اووي ي سلمي

مراد خبطه ف ضهره : اظبط يخربيتك انت بتسيح كده ليه

سليم : حد يشوف القمرر ده وميسيحش بذمتك

مراد بص لسلمي ورجع بص لمراد : بصراحه لا .. عيش

سليم : اد*ك قولتها اهو سيبني بقاا .. انا رايح وراها المطبخ

مراد مسكه بسرعه : يخربيتك انا بقولك عيش بس بالراحه مش ادخل الاقيك طالعلي ب عيل هتفضحنا

سليم : انا عايزك تثق فياا

ومشي دخل ورا سلمي المطبخ

مراد : سس..سس..سلييم ( وبصوت واطي ) نسيت اقولك انها ف قسم تشريح يخربيتك .... الله يرحمك

بس سليم كان دخل ومسمعش مراد

دخل سليم وشاف سلمي واقفه بتحضر الفشار

سليم : احمم بقولك اي ي سلمي

سلمي : خير ي سليم

سليم : انتي زي القمر ليه النهارده ؟

سلمي : افندم !!

سليم : يعني مقصدش حاجه بسس ....ه..هو الواحد لو...لوو حب يعني يبوسك يحصل حاجه

سلمي قربت منه : لاا خاالص ي سليم ( ومدت ايدهاا اخدت سكينه من غير م يحس )

وطلعتها ف وشه فجأه وزعقت

سلمي بغضب مسكته من هدومه وقربت السكينه : بس لو ابن راجل ومن ضهر راجل اعملها و اعرف انه اخر يوم ف عمرك ي ابن السعدني

سليم بفزع : عاااااا.... سييبي السكينه ي سلمي السلاح يطول ... الحقني ي مراااااااددد

سلمي : لما انت حلو وبتخااف بتلعب ف عداد عمرك ليه

مراد وملك جروا ع المطبخ

مراد : في اي .. يخربيتك انت عملت اي

سليم بخوف وهو بيبص لسلمي : مفيش ي عم انا ملحقتش

سلمي : وكمان كنت عايز تلحق

ملك : استهدي بالله ي سلمي بس وسيبي السكينه

مراد : معلش ي سلمي ..عيل وغلط

سلمي بتفكير : عيييل... امممم اذا كان كده مااشي

اتفضل ي عيل شيل الفشار وتعالي ورايا وهات السكينه ف ايدك يمكن تبقاا انت فار التجارب بتاعي النهارده اصل الجثث شاحه اليومين دول

(وسابته مع مراد وخرجت مع ملك)

سليم بصدمه : جثث (وبص لمراد ) لاا ي عم احنا متفقناش ع كده بتقولك جثث لاا مش لاعب

مراد بضحك : ي عم م انا كنت لسا هقولك بس انت اللي طلعت تجري انا فكرتك بتهزر ملك قالتلي امبارح انها ف قسم تشريح ..

(وسابه مع صدمته وخرج)

سليم بصدمه : تشريح ... انا فقري من يومي انا عارف

______________________

عند فچر ف بيت سليم

فچر بتتكلم ف التليفون مع ريهام

فچر بتعب : انا مش مظبوطه ي ريهاام مش عارفه مالي بس الحبايه دي ضيعت الصداع ف ثواتي وخليتني هاديه كده

ريهام : ايوه طبعاا ولسا اما تتعودي هتبسطك اكتر احنا بناخدها ع طوول

فچر : يعني مش مضره

ريهاام : لا طبعاا انتي بس خليكي معايا وانا هظبطك

ويلا بقاا تعالي هنخرج كلنااا

فچر : لا لا والنبي سيبيني اخويا هيعلقني المره دي

ريهام : ي فجر مش هيحصل حاجه هنسهر سهره حلوه كده ونرجع احنا بنتجمع كل فتره عند حد مننا

فجر : الوقت اتأخر ي ريهام وسليم هيرجع

ريهام : مش هنتأخر بقاا يلاا

فچر : طيب خلاص ابعتيلي عنوان البيت

شويه ووصلت فچر العنوان ولقيتهم قاعدين ف بيت ريهام بيشربو ويضحكو

فچر : هااي ي جمااعه

ريهام : فچر تعالي محضرالك كااس تحفه يستاهلك والله

فچر : لا لا انا مش عايزه اشرب حاجه انا شويه وهمشي

رحيم : يكون احسن برضو

فچر بصتله بغضب : هو انت مالك من ساعة م اتعرفت عليا وانت مش طايقني

رحيم : لا اطيقك ولا تطيقيني .. انا مليش دعوه بحد

خالد بخبث : خلاص ي رحيم ..كلناا هنفرفش دلوقتي ..المزاج ع وصول

الباب خبط وخالد فتح وكان واحد بيدله كيس وخالد اداله فلوس وقفل الباب

ريهام : السهره هتحلو ي شباب

وبدأو كلهم يجهزو حاجات غريبه ع التربيزه وفچر مش فاهمه حاجه لحد م استوعبت انهاا بودره وهما بيتعاطوو

فچر وقفت بصدمه : انتو بتعملو اي .. دي بودره !!

خالد : لاا وانتي الصادقه ده هروين

خالد وهو بيشمه : ده السطر من ده يود*كي لفوووووق ويرجعك ف نفس اليوم

فضلو كلهم يضحكوا وفچر واقفه مش عارفه تعمل اي

ريهام : تجربي !!

فچر اتنفضت : لا لا مش عايزه لا

ريهام : طيب ياختي ع كيفك انتي حره ..

فچر قعدت تتف*ج عليهم وجواها جزء عايز يمشي وجزء الفضول جواها عايز يفضل معاهم

لحد م اتغلبت ع فضلوها وقامت روحت البيت

_____________________________

عند سلمي

ملك اي رأيكو نلعب لعبه حلوه اوي اسمها truth or dare (الحقيقه او التحدي )

سليم : موافقين وانا هسأل هبدأ بسلمي

سلمي : ماشي انا هختار truth

سليم : عمرك حبيتي قبل كده

سلمي : لا ولا ناويه احب الحب هيعطلني عن حاجات كتير وانا مش مستعده لكده

سليم سمعها وسكت ومراد حس بيه وكمل

مراد : انا هختار ملك

ملك : dare

مراد بخبث : بوسيني

ملك ووشها احمر : مرااااااااااد

سلمي : انتي اختارتي ولازم تنفذي

ملك قامت وقربت بإحراج وباسته من خده

مراد : خدي .. بتبوسي ابن اختك

سليم قرب ع مراد بصوت واطي : هو الحجر بدأ يلين ولا ايه

مراد : اكتم يااض خليك ف خيبتك

سلمي : انا بقاا هسأل مراد وسليم سوا

سليم : ماشي واحنااا هنختاار truth اي رأيك ي مراد

مراد : موافق

سلمي بغموض : عمركوا اذيتو حد قبل كده

________________

ونكمل بكره

توقعاتكم

#شهد_محمد❤

اي حكاية سلمي دي كمان !!؟ واخرتها اي مع فچر!؟