Zaiden
Napabalikwas ako sa kama.
'Asan ako? Anong nangyari kanina?'
Naalala ko, matapos namin magkwentuhan ni Oceane sa sala ng dorm ay inihatid ko siya sa silid niya. Ako naman ay bumalik sa silid ko, ngunit may kakaiba akong aura sa di kalayuan, pamilyar na aura. Mabilis akong lumabas ng dorm at hinanap ko ang aura na iyon. Sa may gate ng Academy ko natagpuan ang may ari ng aura. Nakatayo doon si Gaeia, nakatingin sa akin.
“Sinasabi ko na nga ba, ikaw ang may ari ng aura na iyon.” Sabi ko sabay lapit sa kanya. “Paano mo nagagawang utusan ang aura mo?”
“Madali lang naman, Zaiden. Gusto mo bang ituro ko sa’yo?” nakangiti nitong tanong sa akin
“Hindi na. Anong kailangan mo? Bakit mo ako pinapunta dito?’ tanong ko
Imbes na sumagot siya, isang kakaibang spell ang binigkas niya, dahilan
