Calista
PILIT KONG pinoproseso ang sinabi ni Mama. Kasal na sila? Kailan pa at bakit hindi namin alam.
Hindi ko sigurado kung pansin ba sa mukha ko na dismayado ako o gusto kong umiyak ngayon.
Alam ko na nakatingin si Rage sa akin. Nararamdaman ko iyon kahit na hindi ako tumingin kay Rage.
“What?” Nakuha ni Rage ang atensyon namin. Napatingin din ako sa kanya at nakatingin siya sa mga magulang namin. “Kailan kayo nagpakasal?”
Ngumiti si Tito Romeo. “Sa Las Vegas.”
Lumapit si Mama kay Tito Romeo at marahang hinampas ang dibdib nito. Sa aming apat na naririto ay parang sila lang dalawa ang masaya. Kaming dalawa ni Rage? Halos hindi mo maipinta ang ekspresyon ng mga mukha.
“Ito kasing si Romeo, binigla ako. Nasa Las Vegas kami and he surprised me with a wedding. Hindi ako tumanggi beca
