MAHABA na ang buhok mo, hija. Gusto mo bang pagupitan natin?
Napatingin si Mae sa harap ng salamin. Nasa likod niya si Donya Eva at sinusuklayan ang buhok niya.
“Ayos lang po ako, La. Saka nasanay po ako sa mahabang buhok.” Nakangiti niyang tugon.
“Mabuti naman at nakangiti ka na pati mata mo’y ngumingiti na rin. Natitiyak kong masaya rin ang anak mo. Kailan ka uli magpapa-ultrasound?”
“Kahapon po ako nagpa-ultrasound. Baka next week daw po ay malalaman na ang gender ni baby. Lola Eva, kapag babae po ang anak ko gusto kong isunod sa pangalan ninyo. Iku-kuwento ko sa anak ko kung gaano kayo kabuting tao.”
“Nakakatuwa naman, hija. Kapag sumapit na aking dapit-hapon ay may bagong Eva na uusbong. Wala naman problema sa akin kung kayo ni Lorenzo ang magkatuluyan. Pero syempre, gusto k
