DITO ka nakatira?
Tanong ni Lorenzo nang dito niya sa gilid pinahinto ang sasakyan nito.
“Opo, doc.” Tugon niya at saka binuksan ang pinto. Dali-daling lumabas si Lorenzo at pinagbuksan siya ng pinto.
“Nakakahiya po doc pero sobrang salamat sa paghatid mo. Naabala pa tuloy kita.”
“Don’t mention it. Ako ang dapat magsalamat sa ‘yo at pinagbigyan mo akong makita ka ni Lola. Hindi ko nga alam bakit gustong-gusto ka niya kahit isang beses lang kayong nagkita.”
“Baka po wala siyang apong babae kaya gano’n. Napakaganda po ng Lola Eva mo, doc. Kahit nangungulubot na ang balat niya at puti na lahat ng buhok niya bakas pa rin ang kagandahan niya.” Walang katapusang papuri niya. Bukod kasi sa maganda ay mabait rin ang matanda sayang lang at hindi na niya naabutan ang asawa nito. Namatay na
