HAPPY BIRTHDAY, WIFE.
Napangiti siya nang makita si Zaynard na bumaba ng kotse at may hawak na pulang rosas. Tumakbo siya patungo sa bakuran subalit napahinto siya nang tila hangin na biglang naglaho si Zaynard. Sa pagkurap niyang ‘yon ay ang katotohanan na nag-iilusyon lamang siya.
Napaupo siya sa sahig at sunod-sunod na pumatak ang luha niya. Hanggang sa huling patak ng oras ay umasa siya, hinintay niya ang asawa ngunit inabot na lang ng bukang liwayway walang Zaynard na bumalik.
Nakatitig lang siya sa malaking gate. Isang buwan at mahigit na siyang mag-isa dito sa mansyon. Mabuti nga at maraming stocks ng pagkain pero madalas ay nalilipasan siya ng oras ng pagkain. Hindi kasi siya nakakaramdam ng gutom katulad ngayon kaninang alas tress pa ng hapon ang tanghalian niya. Ngayon ay a
