Sammy's POV
Nasa private cemetery ngayon si Sammy, sa isang malaking mausoleum kung saan ay nakalagak ang isang malaking Urn na may lamang abo ng kanyang mag-ina. May dala itong napakalaking bouquet of roses na may kulay puti at pula dahil ito ang paboritong bulaklak ni Maricris.
"Hi mga baby ko, nandito na naman ako. Hindi na ako sumama kay Marcus kanina ng nagpunta sila kay Hugo. May ikukuwento ako sa iyo, kanina bago ako pumunta dito ay kasama ko sila Marcus pero nagpunta sila kila Hugo. Alam mo ba kung bakit? Matatawa ka dahil pinaglilihian ni Joyce ang talaba na may kakambal na tahong. Iniisip nila na ang ibig sabihin nuon ay twin ang magiging anak ni Hugo na isang babae at isang lalake. Kaya ngayon maging ang mga magulang ni Hugo at ang mga Dux ay tumutulong sa paghahanap ng talab
