────⊱⁜⊰────
Naging komportable na si Maricris kasama sila Dark at Zoran. Naging mabait naman ang mga ito sa kanya kaya wala din siyang masasabi sa mga ito na kapintasan. Pati sa anak niya ay maganda ang pakikitungo ng mga ito at masasabi niya na muli siyang nakatagpo ng mga bagong kaibigan.
Gustuhin man niyang tawagan sila Raymond ay hindi na rin niya nagawa pa, natatakot din kasi siya na baka kapag ginawa niya ang mga bagay na 'yon ay ito pa ang maging dahilan upang matunton ni Sammy ang kinaroronan niya at baka maging ang bago niyang mga kaibigan ay mapahamak pa.
"Tahimik mo naman, okay ka lang ba?" tanong ni Dark habang hawak nito ang baby ni Maricris at nilalaro niya ito ng hawak nitong laruan.
"May mga bagay lang akong naiisip. Paano kaya kung matagpuan nila ako? Paano kung hangga
