────⊱⁜⊰────
Pagkarating ni Sammy ng condo unit niya ay uminom agad ito ng alak. Hindi niya makalimutan ang mga narinig niya na sinabi ni Dark kay Maricris. Hindi pa tuluyang magaling si Sammy, masama pa ang pakiramdam niya pero pakiramdam nito ay mas malala pa ang nararamdaman niya ngayon kaysa na inaapoy siya ng lagnat.
Naupo siya sa sofa at pahagis niyang ibinaba ang kanyang telepono sa tabi niya. Itinaas niya ang mga paa niya sa coffee table at sunod-sunod na paglagok ng alak ang ginawa niya kahit wala pang laman ang kaniyang sikmura.
Napatingin siya sa phone niya, kinuha niya ito at pinindot ang numero ni Marcus ngunit dumiretso lamang ang tawag niya sa mailbox kaya muli niyang ibinaba ang telepono niya at tumungga ulit ng alak.
"Mahal na mahal kita Maricris, gagawin ko ang lahat
