Maricris POV
Nagising ako dahil sa sunod-sunod na tunog ng doorbell. Napatingin ako sa orasang nakapatong sa may gilid ng kama at nagulat pa ako ng makita ko na mag-aalas nueve na pala ng umaga. Napahaba ang tulog ko at marahil sa sobrang pagod ay hindi ko na namalayan ang oras. Dito ako natulog sa silid ng anak ko para kung sakaling may kailangan si Sammy ay madali ko lang maririnig pero mukhang tulog na tulog din siya.
Bumangon ako at tinignan ko kung sino ang taong walang habas na nag-do-doorbell sa pintuan. Ganuon na lamang ang gulat ko ng makita ko ng pagbukas ko ng pintuan ay nakangiting mukha ni Dark ang agad na sumungaw dito.
"Mukhang napahimbing yata ang pagkakatulog mo," ani niya kaya napangiti lamang ako sa kanya.
"Napadaan ka?" ani ko at napatingin ako sa hawak niyang pape
