Masakit ang ulo ko nang bumangon ako. Parang pinupukpok iyon na lalo pang sumakit dahil bigla akong bumangon.
Napadaing ako sabay sapo sa ulo.
"Good morning, wife." Ngiting-ngiti na ani ni Dane na kalalabas lang ng banyo. Nakatapis lang ito ng tuwalya at halatang bagong ligo.
"M-orning," halos padaing lang na ani ko rito.
Napabungisngis si Dane na humakbang at mabilis na yumukod para halikan ako sa aking noo.
Nang mag-angat ako nang tingin dito ay agad akong napatitig sa balikat nito at leeg.
"A-nong nangyari sa leeg at balikat mo?" hindi ko napigil ang sarili na magtanong. Hinaplos ko pa ang tatlong mahabang kalmot at saka gumawi sa nangingitim na marka sa leeg nito.
Natigilan ito na waring nagulat sa tanong ko sabay ayos ng tayo at nag-iwas nang tingin.
"D-ane!" tawag ko
