"Emily, napasyal ka?" gulat na ani ko nang mapagbuksan ito ng gate. Aurang-aura ito ngayon sa outfit n'ya. Palagi naman eh, kahit palagi itong masungit at galit sa akin ay naa-appreciate ko pa rin ang kagandahan nito. Pumasok ito kahit hindi ko pa inaanyayahan, pero okay lang naman iyon.
"Nasaan ang kuya ko?" tanong nito na maarteng naupo sa couch. Iginala ang tingin sa kabuuan ng sala.
"May pasok s'ya ngayon." Isinara ko ang pinto saka humakbang palapit dito.
"Mag-isa mo lang dito?" angat ang kilay na tanong nito. Agad akong tumango.
"Yes, umalis din kasi si Drey." Ang palad ay pinagsalikop, intimidating kasi talaga ang aura nito. Pero mukhang hindi naman ito mang-aaway eh.
"Your sister?" mas lalo pa nga yatang umangat ang kilay nito.
"Yes." Tugon ko rito."Gusto mo bang uminom?
