"Ikaw ba 'yong D na kausap ni Dane sa phone?" tanong ko kay Douglas nang mailapag ko sa center table ang juice. Dito raw sa bahay magkikita ang lahat at sabay-sabay na babyahe para pumunta sa bahay bakasyunan ni Berry. Bumili lang ng baon ang mga ito kaya nasa grocery store. Nagkatinginan si Ian at Douglas sa naging tanong ko.
"Oo, a-ko nga." Napangiti ako sa naging tugon nito. Sabi ko na nga ba si Douglas 'yon eh.
"Nasaan na si Dane? Umalis s'ya sabi ng kasambahay habang kausap ka."
"May kinuha lang saglit sa office n'ya. Alam mo naman 'yong asawa mo, mukhang trabaho na lang palagi."
"Responsible lang," ani ko rito. Nagkibitbalikat ito at dinampot ang baso ng juice. Nginitian ko naman si Ian na seryosong nakatitig sa akin.
"This is so hard." Frustrated na ani ni Ian kaya natigila
