SAMANTALA, pakiramdam naman ni Andrea ay nasa hukuman siya na nakatakdang bitayin. Hindi siya bobita, para hindi maramdaman ang tensyon sa pagitan ng dalawang lalaki. Hindi niya alam kung masyado lang mataas ang kanyang imahinasyon pero para bang may nakikita siyang koryente sa pagitan ng mga ito. Hindi niya alam kung sino ba ang kakausapin o sasamahan. May mga sariling mundo ang alitan ng mga ito at para bang hindi siya nage-exist doon.
"Ehem!" pagitna niya nang hindi siya pinapansin ng mga ito.
Sabay na napatingin ang mga ito sakanya at binitawan ang kamay ng isa't isa. Tumingin muna ang dalaga kay Reeve pagkatapos ay kay Rihan.
"Rihan, maglulunch kami ni Reeve. Sama ka," aya niya sa bestfriend. Alam niyang magtatampo si Rihan kapag hindi niya ito napaunlakan. Sayang naman ang effort
