Sasha's POV
Mabilis natapos ang araw at ngayon ay nasa labas na ako ng Solare, naghihintay na lang ng bus na pwede kong masakyan pauwi.
Sa araw na 'to ay hindi pumasok si Collin. Hindi ko alam kung bakit, sinubukan kong magtanong-tanong sa mga kasamahan niya pero hindi raw nila alam kung bakit.
Nagtext ako sa kanya kanina pero hanggang ngayon ay wala pa rin akong natanggap na reply mula sa kanya.
Nag-aalala tuloy ako, baka masyado niyang dinibdib ang hindi ko pagsagot sa kanya kahapon. Baka isa ako sa rason kung bakit hindi siya pumasok ngayon.
Isa pa sa bumabagabag sa aking isipan ay ang pag-iiba na naman ng kinikilos ni Denver kanina.
Buong araw ko 'yon iniisip kung ano ba talaga ang dahilan kung bakit bigla siyang nagkaganon. Napabuga na lang ako ng hangin habang nakatingin
