"Pinunong Decha, wala ka bang alam kung nasaan ang kapatid namin? I mean, ang lugar ng mga dragon wars. Halos isang buwan na simula noong bigla siyang inilipad ng mga dragon. Nakailang tawag na rin ang asawa niya ngunit wala pa rin tayong nalalaman," wika ni Veera sa pinuno ng Chiang Mae.
"Wala, anak. Nasaksihan mo naman siguro noong bago siya kinuha ng mga dragon. Silang mag-asawa lamang ang may kakayahang kausapin sila. At silang pamilya lamang din ang makakasagot sa tanong mo at palaisipan sa akin," tugon ng pinuno.
"May katanungan pa po ako, Pinuno. Kasi sabi mo po ay silang pamilya lamang din ang makakasagot. Ibig bang sabihin na si Master James? O kasama ang mga magulang nito at kapatid?" hindi rin nakatiis na tanong ni Thaksin.
"Silang mag-asawa at ang anak nila ang ibig kong sab
