Isa isang hinalungkat ni Mia ang mga gamit ng nobyo. Wala siyang particular na bagay na hinahanap pero nagbabakasakali siya na may makuha na kahit na anong magkokonekta rito at sa pinsan niya. Pero sa kabilang banda ay umaasa rin siya na wala siyang anumang makita na magpapatunay sa relasyon nito at ng yumao niyang pinsan.
Gusto lang naman niya ay malaman ang katotohanan at mapatunayan na hindi ang nobyo niya ang taong hinahanap niya. At kapag nangyari iyon ay matatahimik na siya.
Maingat niyang ibinalik ang mga gamit nito sa cabinet. Pati ang mga damit nito ay hinalungkat na rin niya. Isa na lang ang hindi pa niya nabubuksan, ang naka-lock na drawer sa study table nito. Muli siyang lumapit sa wardrobe cabinet nito at inisa isang kapain ang lahat ng posibleng pagtaguan nito ng susi.
M
