Hindi mapigilan ni Mia ang mapangiti nang makita si Ken sa labas na nakapamulsa at nakayuko sa kanyang braso. Naka-jeans ito habang ang manggas ng polo ay nirolyo hanggang siko. Nag-angat ito ng mukha at mabilis na tumayo mula sa pagkakasandal sa kanyang audi nang makitang papalabas na siya at nakangiting sinalubong siya.
“Anong ginagawa mo rito?”
“Sinusundo ka.”
“Hmmm, anong meron?” patay malisyang tanong niya.
“Baka kung saan ka na naman pumunta kaya sinisigurado ko lang na sa bahay ang direksyon mo pagkatapos ng trabaho.”
Bahagyang tumaas ang kilay niya saka sinipat ng tingin ang binata. “Not bad, ganito pala ang pakiramdam ng may over protective na Kuya,” aniya saka akmang bubuksan ang pinto ng kotse nito. But before she could open the door ay bigla siya nitong hinapit at mabilis
