CHAPTER 14
HAPPINESS
MAGANDANG UMAGA, ARA. DADAANAN KITA DIYAN NG ALAS SIYETE. MAGPAPAKAIN LANG AKO NG MGA PATO.
TEXT message na natanggap ni Ara galing kay Tinay. Kasalukuyan siyang nag-aalmusal nang magpadala ng mensahe si Tinay tungkol sa lakad nila.
Napagkasunduan nila kapahon na mamasyal sa kabilang bahagi ng gubat ng Rancho Diogracia. Ayon kay Tinay ay may talon doon. Hindi tuloy niya mapigilan ang pananabik na makita ang lugar na tinutukoy ni Tinay. Kaya naman, gabi pa lamang ay naghanda na siya ng mga dadalhing gamit sa paliligo.
Maaga siyang gumising para tapusin ang mga gawaing bahay. Ayaw niyang may masabi si Aling Sion kapag nagpaalam siyang mamamasyal kasama si Tinay ng ganoon kaaga.
“ Oh, maaga ka yatang gumising, hija? ” tanong ni Aling Sion nang pumasok sa kusina a
