CHAPTER 16
PRINCESS
DAHIL hindi pa magaling ang napilayang paa, nanatili lamang sa loob ng bahay si Ara. Puro upo at higa lamang ang ginawa nito sa loob ng ilang araw. Ayaw namang patulungan ni Aling Sion dahil mahigpit ba ipinagbilin ni Ryan na huwag muna siyang pagtatrabahuhin sa loob ng bahay.
Inabala na lamang niya ang sarili sa panonood ng KDrama. Napili niyang panoorin ang TV Series na “ It's Okay Not To Be Okay ” na pinagbidahan ng isa sa mga paborito niyang Korean actors na si Kim Soo-Hyun. Kapareha nito sa naturang KDrama si Seo Yea-Ji.
Mabigat sa dibdib niya ang karakter na ginampanan ni Ye Ji na Ko Moon-Young sa natirang TV series. Para kasi itong bipolar. Pero hindi naman siya nabigo sa takbo ng kuwento, dahil wagas din ang building ng character ng female lead.
Isa pa
