LIHIM na naikuyom ni Stefano ang kaniyang mga kamao sa ibabaw ng balabal na nakapatong sa kaniyang hita nang may kung anong gumuhit sa dibdib niya nang sandukan din ni Yana ng kanin at ulam ang plato ng bisita nila.
Oo at kanina ay hindi niya alam kung ano ang nangyari at paanong nakapasok sa bakuran niya kanina ang apo ng kapitbahay niya na nakatira sa tapat, pero mas lalong hindi niya alam kung ano at paanong nangyari na naroon na 'to sa kaniyang harap at kumakain pa sa bahay niya! At siya na may-ari ng bahay na 'yon ay walang magawa kahit nais na niyang paalisin ang lalaking 'to na nagngangalan na Martin daw, mula pa kaninang namataan niyang nakatapak 'to sa bakuran niya.
"Hala, ang bait naman nitong maid mo, bro," pukaw sa kaniya ni Martin.
"Ah--"
"Naku, kahit sino naman na bisi
