"HA? Ano? Aba ay lukaret kang talaga, Yana, 'no?"
Mariin na napapikit si Yana at napakamot sa leeg niya na hindi naman makati pero nakagawian na niya ang gano'ng mannerism sa tuwing nakakagawa siya ng isang bagay na hindi niya kontrolado. "Oo nga, Reva, okay? E, sa nangyari na. Hindi ko na mababawi."
"'Yan, ang gaga mo talaga! O, anong plano mo ngayon niyan?" Patuloy na pagtatalak ng kaibigan niya sa kabilang linya.
"Anong plano e, heto, nagtatrabaho pa rin. Jusko e, naibigay ko nga 'yon noon sa ex kong kups. Isipin ko na lang naulit. Gano'n talaga e," aniya sa kaibigan habang inaahon niya ang sinalang niyang tinapay sa oven toaster.
Ala una ng hapon sila nagising ni Stefano kaya hayun, mananghalian 'to ng tinapay at hindi naman siya nakapagluto, s'yempre. Sinilip niya ang ref nang m
