"WAKE up, umaga na!"
"D--Don't..."
"Huh?"
"I said don't!"
"O, e, 'di huwag!" Nagdadabog na ibinalik ni Yana ang pagkakalapat ng kaninang kurtina na binalak niyang hawiin para makapasok ang sinag ng haring araw sa loob ng kuwarto ni Stefano. "Bumangon ka na r'yan, at kung sa inaakala mong nakakatuwa ang ginawa mong paghulog sa'kin d'yan sa kama mo kagabi, nagkakamali ka!" Nakapamewang na talak niya sa boss.
Oo, talak. Oo, alam pa rin naman niyang boss niya 'to. Pero nagising na lang siya nang umagang 'yon na naisip niyang huwag amuhin ang boss niya. Na dapat ay brutalin na niya 'to para maturuan ng leksyon. Para magising niya sa katotohanan na nagpapatuloy ang buhay, hininto lang nito dahil nagmagaling 'tong kaya nito na mag-isa ro'n.
Well, huwag na siyang tanungin kung saan niya
