"PLEASE don't leave me again, Leya... na..." Inis na naipikit ni Stefano sa mariin na paraan ang mga mata niya nang maalala niya ang eksenang 'yon kung saan hinila niya si Yana upang yakapin. Partikular ang sinabi niyang 'yon dito nang yakapin niya 'to.
Hindi niya alam kung bakit niya 'yon ginawa-- Ah, alam niya pala. Alam niya ang rason kung bakit niya niyakap si Yana pero pilit pa rin niyang itinatanggi 'yon kahit sa kaniyang sarili.
Nang magmulat siya that time, at nabungaran niya ang mga mata ni Yana, ewan ba niya, parang si Leya ang nakita niya sa mga matang 'yon. Weird, pero saglit lang 'yon, tanda niya, saglit lang niyang inakala na si Leya 'to. At madali na lang na rason na kaya gano'n ay dahil dinalaw na naman siya ng bangungot na 'yon kung saan naroon at buhay sa kaniyang ala
