Nasa airport na ang ama ni Grace at naghihintay na sa kan'yang anak at apo nang namataan nito ang isang lalaki na kanina pa nakatingin sa gawi niya.
Napansin naman ng lalaki na tila ba nahuli siya ng matanda kaya ito ay lumayo muna para tawagan si Bryan.
"Sir Bryan narito na po kami sa airport at mukhang susunduin niya ang babae na kasama niya dati," saad ng tauhan sa binata na hindi inaalis ang tingin sa ama ni Grace.
"Dumating na ba 'yong babae na sinasabi ninyo?" tanong ni Bryan sa tumawag sa kan'ya na tauhan.
"Wala pa, sir! Hinihintay rin ho namin pero nahalata yata niya kami kaya medyo lumayo muna kami sa kanila!" wika nito na para bang ito ay nagtatanong sa binata kung ano ang kanila susunod na gagawin.
"Sige, lumabas na kayo riyan sa airport at hintayin na lamang ninyo sila mak
